ᖃᐅᑕᒫᑦ ᓂᕆᑎᑦᑎᖃᑦᑕᕐᓂᖅ
ᐅᓪᓗᕈᒻᒥᑕᖃᑕᐅᓚᐅᕆᑦ! ᐊᑐᐃᓐᓇᐅᑎᑦᑎᕙᑦᑐᒍᑦ ᐆᓇᖅᑐᓂᑦ, ᓄᑖᕐᓂᑦ ᓂᕿᔭᐅᓂᐊᖅᑐᓂᑦ 12−ᒥ 1−ᒧᑦ ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥᑦ. ᑭᒃᑯᑐᐃᓐᓇᐃᑦ ᑐᓐᖓᓱᑦᑐᑦ!
ᓂᕆᔭᐅᓂᐊᖅᑐᑦ ᐸᕐᓇᑕᐅᕙᑦᑐᑦ ᐊᑎᓕᐅᖅᓯᒪᔪᒧᑦ ᓂᕿᑦᑎᐊᕙᓕᕆᔨᒧᑦ ᐊᒻᒪᓗ ᓂᕿᑦᑎᐊᕙᐅᑎᒐᓱᐊᖅᑐᒋᑦ, ᐊᕿᐊᑦᑐᓇᕐᓗᑎᑦ, ᐃᕿᐊᓇᐃᓪᓗᑎᓪᓗ. ᐊᔪᕐᓇᓐᖏᒐᐃᒻᒪᑦ ᓄᓇᓃᑦ ᓂᕿᑐᐃᓐᓇᖏᓐᓂ ᐊᑐᕋᓱᐊᓲᖑᔪᒍᑦ, ᒪᑯᓂᖓ ᐃᖃᓗᒥᓂᕐᓂᑦ, ᓇᑦᑎᒥᓂᕐᓂᑦ, ᕿᓚᓗᒐᒥᓂᕐᓂᑦ, ᓇᓄᒥᓂᕐᓂᑦ ᐊᒻᒪᓗ ᑭᓱᑐᐃᓐᓇᕐᓂᑦ ᐊᓯᕙᖅᑎᓄᑦ ᐸᔫᑎᒥᓂᕐᓂᑦ. ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐊᑖᓂ ᖃᐅᔨᒋᐊᕐᓗᑎᑦ
ᓂᕿᓕᐅᖅᑎᐅᓇᓱᐊᕐᓂᕐᒧᑦ ᐃᓕᓐᓂᐊᑎᑦᑎᓂᖅ
ᑕᖅᑭᓄᑦ ᐱᖓᓱᓄᑦ ᐃᓕᓐᓂᐊᕈᑎᑕᖃᕐᒥᔪᖅ, ᐃᖃᓗᒻᒥᐅᓂᑦ ᐃᑲᔪᖃᑦᑕᖅᑐᑕ ᐱᓕᒻᒪᓴᕐᓂᕐᒥᑦ ᐃᓅᓯᕐᒥᓪᓗ ᐃᓕᓐᓂᐊᑎᑦᑎᖃᑦᑕᖅᑐᑕ ᐱᓕᕆᑦᑎᐊᕈᓐᓇᓂᕐᒥᓪᓗ. ᐱᖃᑕᐅᔪᑦ ᑰᖃᕐᕕᑎᓐᓂ ᐃᖅᑲᓇᐃᔭᖅᑎᒥᑦ ᐃᓕᓐᓂᐊᖅᑐᑎᑦ ᖃᓄᖅ ᓂᖅᑎᐅᕈᓐᓇᕋᔭᕐᒪᖔᑕ ᓂᐅᕕᐊᔅᓴᖃᕈᓇᕐᓗᑎᓪᓗ, ᑮᓇᐅᔾᔭᔅᓴᓯᓐᓈᕐᓗᑎᑦ. ᐱᖃᑕᐅᔪᒪᓐᓂᕈᕕᑦ ᑕᑕᑎᕆᔭᕆᐊᖃᖅᑐᑎᑦ ᐊᑎᓕᐅᕆᐊᓕᒻᒥᑦ.
ᐃᖅᑲᓇᐃᔭᖅᑎᐅᒍᕕᑦ ᐃᖅᑲᓇᐃᔭᕈᒪᓐᓂᕈᕕᑦ ᐃᓕᓐᓂᐊᓯᓐᓈᖅ ᖃᐅᔨᒋᐊᖅᑎᒍᑦ.
ᑖᓐᓇ ᓴᖅᑭᖅᓯᒪᔪᖅ ᐱᔪᒪᓂᑦᑎᓐᓂ ᓂᕿᔅᓴᑭᖃᑦᑕᕐᓂᖏᓐᓄᑦ ᐃᓄᐃᑦ, ᐊᔪᖅᓴᕈᑕᐅᓂᖅᐹᖑᕙᖅᑐᖅ. ᓄᓇᑦᑎᓐᓂ ᐃᓚᖏᑦ ᐃᖅᑲᓇᐃᔮᖃᑦᑎᐊᖅᑎᓪᓗᒋᑦ, 15% ᓱᖅᑯᐊᕿᔨᐅᔪᑦ ᐃᖅᑲᓇᐃᔮᖅᑖᕈᓐᓇᖏᓐᓂᖏᓐᓄᑦ. ᑕᒪᓐᓇ ᐊᐳᖅᑕᕈᑕᐅᕙᑦᑐᖅ ᐲᔭᕈᒪᒐᑦᑎᒍ ᐃᖅᑲᓇᐃᔮᖃᑦᑎᐊᕈᓐᓇᓕᕐᓗᑎᑦ, ᑮᓇᐅᔭᖅᑐᒋᑦ ᐊᔪᖅᓴᓗᐊᕈᓐᓃᕐᓗᑎᑦ ᐃᒻᒥᒃᑰᕈᓐᓇᓂᖅᓴᐅᓕᕐᓗᑎᓪᓗ.
ᓱᕈᓰᑦ ᓂᕿᓕᐅᖅᑎᖏᑦ ᑲᑐᔾᔨᖃᑎᒌᑦ
ᐃᓕᓐᓂᐊᑎᑦᑎᖃᑦᑕᕐᒥᔪᒍᑦ ᒥᑭᓂᖅᐹᓂᑦ ᐃᓕᓐᓂᐊᖅᑎᓂᑦ ᓂᖅᑎᐅᕆᐅᖅᓴᓂᕐᒥᑦ, ᓂᕿᓂᑦ ᐃᓕᓐᓂᐊᕐᓂᕐᒥᑦ, ᑰᖃᕐᕕᒦᒋᐅᖅᓴᓂᕐᒥᓪᓗ. ᐃᓕᓐᓂᐊᖅᑐᑎᑦ ᖃᓄᖅ ᓂᕿᓕᕆᑦᑎᐊᕆᐊᖃᕐᒪᖔᑕ, ᓴᕕᓕᕆᔪᓐᓇᓂᕐᒥᑦ ᖃᓄᕐᓗ ᓂᖅᑎᐅᕆᐊᓕᓐᓂᑦ ᑲᑎᖅᓱᐃᒋᐊᖃᕐᒪᖔᑕ. ᒥᑭᓂᑦᑎᓐᓂ ᐃᓕᑦᑕᕗᑦ ᓂᖅᑎᐅᕐᓂᕐᒥᑦ ᐅᕙᑦᑎᓐᓃᒐᔪᒻᒪᑕ ᐃᓅᓯᓕᒫᑦᑎᓐᓂ, ᐱᐅᔪᓂᑦ ᓂᕿᓕᐅᕆᐅᖅᓴᑎᑦᑎᒐᓱᐊᖅᐸᑦᑐᒍᑦ ᓱᕈᓯᕐᓂᑦ ᖃᐅᔨᒪᑦᑎᐊᕐᓂᐊᕐᖓᑕ ᓂᕿᖃᑦᑎᐊᕈᓐᓇᕐᓗᑎᓪᓗ ᐃᓐᓇᐅᓕᕋᓗᐊᖅᑎᓪᓗᒋᑦ. ᐊᒥᓱᑦ ᓱᕈᓰᑦ ᐃᓕᓐᓂᐊᐸᑦᑐᑦ ᓂᕿᓂᑦ ᐊᓯᖏᓐᓂ ᐆᔅᓯᓚᐅᖅᓯᒪᓐᖏᒻᒪᕆᑦᑐᑎᑦ ᓄᑖᓂᓪᓗ ᐃᓕᑦᑐᑎᑦ ᐃᕿᐊᓇᐃᒋᓂᖅᐹᖅᑖᖅᑐᑎᓪᓗ. ᐊᒻᒪᓗ, ᐱᓕᒻᒪᔅᓴᖃᑦᑕᒥᔪᑦ ᑲᑐᔾᔨᖃᑎᖃᕐᓂᕐᒥᑦ ᐃᓚᒥᓐᓂᒃ ᓂᕿᓂᑦ! ᐊᑎᓕᐅᖅᑕᐅᖁᒍᕕᐅᒃ ᕿᑐᕐᖓᑦ, ᖃᐅᔨᒋᐊᕈᓐᓇᖅᑐᑎᑦ ᓂᕿᓕᕆᓕᒻᒪᔅᓴᓂᕐᒧᑦ ᑐᑭᒧᐊᑦᑎᑦᑎᔨᖓᓐᓄᑦ.
ᓂᕿᑦᑎᐊᕙᐃᑦ ᐴᖅᑲᖅᓯᒪᕙᑦᑐᑦ
ᐱᔪᒪᕕᑦ ᓄᑳᑦᑎᐊᕐᓂᑦ ᐱᕈᖅᑐᒥᓂᕐᓂᑦ ᓰᕐᓇᖅᑐᓂᑦ ᐱᕈᖅᑐᒥᑐᐃᓐᓇᓂᓪᓗ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕋᐃᑉᐸᑎᒃ? ᑎᑭᓴᐃᒍᓐᓇᖅᑐᑎᑦ ᖃᕋᐅᓴᔭᒃᑯᑦ (ᖃᐅᔨᒋᐊᕐᓗᓯᓘᓐᓃᑦ ᐅᕙᑦᑎᓐᓄᑦ) ᐊᐃᔅᓯᕈᓇᕋᔭᖅᑐᑎᑦ ᐊᐃᑉᐸᖓᓐᓂ ᓯᕙᑖᕐᕕᐅᓕᕋᐃᒻᒪᑦ.
ᐊᔾᔨᒌᖃᑦᑕᖏᑦᑐᑦ ᐱᔭᕗᑦ staples−ᓂᑦ ᐱᕈᖅᑐᒥᓃᑦ ᓰᕐᓇᑐᓪᓗ. ᓯᕗᓪᓕᖅᐸᐅᑎᖃᑦᑕᖅᑕᕗᑦ ᐱᓂᖅᐹᕆᓪᓗᑎᒍ ᐱᕈᖅᓯᐊᒥᓃᑦ, ᓄᑖᑦ, ᓄᓇᓕᓐᓃᓐᖔᖅᑐᑦ, ᒪᓕᒻᒥᔪᑦ ᐊᑐᐃᓐᓇᐅᓂᖏᑦ ᓯᓚᑦᑐᓐᓂ.
Become a Food Box memberᓂᖅᑎᐅᖅᑏᑦ ᑲᑐᔾᔨᖃᑎᒌᑦ
ᐱᓇᓱᐊᕈᓯᑦᑕᒫᖅ ᐊᑐᐃᓐᓇᐅᑎᑦᑎᕙᒻᒥᒐᑦ ᐊᑦᑕᓇᓐᖏᑦᑐᓂᑦ ᓄᓇᖅᑲᑎᒌᑦ ᑲᑎᑎᒐᓱᐊᖅᑐᑎᒍ ᐊᔾᔨᒌᓐᖏᑦᑐᓂᑦ ᐃᓕᖃᑦᑕᖁᓪᓗᒋᑦ ᓂᖅᑎᐅᕆᐅᖅᓴᓂᐅᔪᓂᑦ ᐊᔾᔨᒌᓐᖏᑦᑐᓂᓪᓗ, ᓂᕿᑦᑎᐊᕙᓐᓂᓪᓗ ᐊᑐᖅᑎᑦᑎᓇᓱᐊᖅᑐᑕ. ᑭᒃᑯᑐᐃᓐᓇᑦᑎᐊᖅ ᑐᓐᖓᓱᑦᑐᑦ!
ᓇᔪᕋᔅᓴᑎᑦ ᑲᑎᕝᕕᐅᔪᓐᓇᖅᑐᑎᑦ ᐱᑕᖃᑦᑎᐊᖃᑦᑕᖏᒻᒪᑦ ᓄᓇᑦᑎᓐᓂ (ᐊᖏᕐᕋᖏᑕ ᓯᓚᑖᓃᓐᖔᖅᑐᓂᑦ ᐃᖅᑲᓇᐃᔭᕐᕕᐅᓪᓗ), ᐱᓗᐊᖅᑐᒥᑦ ᐅᓐᓄᒃᑯᑦ, ᑲᑎᑎᑦᑎᖃᑦᑕᖅᑐᒍᑦ ᐳᓚᐅᑎᓂᐊᖅᑐᓂᑦ, ᐃᓕᓐᓂᐊᓯᓐᓈᕐᓗᑎᑦ ᖁᕕᐊᓱᖃᑎᒌᓪᓗᑎᑦ ᐊᑭᖃᕐᓇᓂᓗ ᓄᓇᓕᓐᓂ ᑲᑎᕈᓘᔭᕐᓗᑎᑦ. ᓂᖅᑎᐅᖅᑏᑦ ᑲᑎᖃᑦᑕᖅᑐᑦ 5:30 ᐅᓐᓄᒃᑯᑦ ᐱᖓᑦᑎᐅᓕᕋᐃᒻᒪᑦ ᐊᑎᓕᐅᕆᐊᖃᓐᖏᑦᑐᖅ − ᑭᓯᐊᓂᓕ ᑭᓱᕙᖃᑦᑕᖁᔨᓐᖏᑦᑐᒍᑦ. ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᐅᕙᓐᓄᑦ.
