ᐱᓕᕆᐊᑦᑎᓐᓅᖓᓪᓚᕆᒻᒪᑕ ᑐᓂᓯᖃᑦᑕᓂᔅᓯ.
ᐊᑏ ᐃᓱᒪᖅᓴᖅᓯᐅᕋᔭᖅᑯᑎᑦ ᑐᓂᓯᒋᐊᔅᓴᖅ.
ᑐᓂᔭᐅᔪᑦ ᐅᖓᑖᓄᑦ $20 ᑖᒃᑯᓄᖓ ᑖᒃᓰᔭᕈᑎᓄᑦ ᐱᑎᑕᐅᒐᔭᖅᑐᑦᔭ ᐊᓯᐊᒍᑦ ᑐᓂᓯᒍᓐᓇᕐᒥᔪᑎᑦ, ᐅᖄᓚᐅᑎᕋᓛᒃᑯᑦ ᑮᓇᐅᔭᒃᑯᕕᓐᓂᑦ ᑐᓂᓯᓗᑎᑦ ᐅᕗᖓ donate@qajuqturvik.ca ᓯᒃᑭᒥᓪᓘᓐᓃᑦ ᑐᔪᐃᓗᑎᑦ ᐅᕗᖓ PO Box 119, Iqaluit NU, X0A 0H0, ᑐᓂᓯᔭᖅᑐᑐᐃᓐᓇᕐᓗᑎᓪᓘᓐᓃᑦ ᐅᕗᖓ 655 Mattaaq Crescent ᐃᖃᓗᓐᓂ.
ᑐᓂᓯᒍᓐᓇᕐᒥᔪᑎᑦ ᓴᓂᕐᕙᖅᑕᐅᑎᒋᓯᒪᔪᓂᒃ ᑕᐃᒫᑦᑕᐅ ᐱᐅᓂᖅᐹᖑᒻᒥᔪᖅ. ᐊᑭᑐᔫᑎᓄᑦ ᑖᒃᓰᔭᕈᑕᐅᔪᓐᓇᖏᒻᒪᑕ, ᓂᐅᕐᕈᑎᖃᕐᓂᒨᖓᒻᒪᑕ ᓂᐅᕕᐊᒥᓂᕐᓂᑦ, ᐊᒻᒪᓗ ᑖᒃᓰᔭᕈᑎᓂᑦ ᓇᓕᖅᑲᖅᑖᕋᔭᕋᓗᐊᖅᑐᑎᑦ ᐊᖏᔪᓂᑦ ᑐᓂᓯᓐᓂᕈᕕᑦ. ᑕᐃᒫᒃ ᑐᓂᓯᒃᑲᓐᓂᕈᓐᓇᒻᒪᕆᒃᑲᔭᖅᑐᑎᑦ ᐱᒃᑲᓂᕐᓂᖅᓴᐅᓗᑎᓪᓗ.
ᖃᔪᖅᑐᕕᑉᐳᑦ ᓴᓇᔭᐅᓯᒪᔪᖅ ᑲᒪᒋᔭᐅᖃᑦᑕᖅᑐᓂᓗ ᐃᑲᔪᕈᒪᔪᓄᑦ ᑭᓱᔅᓴᖏᓐᓂᓪᓗ ᑐᓂᓯᒍᓐᓇᕆᓪᓗᑎᑦ, ᐅᖅᓱᐊᓗᓐᓂᑦ, ᐊᑭᑭᓪᓕᒋᐊᕆᓗᑎᑦ ᓴᓇᔭᐅᓂᖏᓪᓗ. ᐃᕝᕕᑦ ᐃᖅᑲᓇᐃᔭᕐᕕᓪᓘᓐᓃᑦ ᐃᑲᔪᕈᒪᓐᓂᖅᑲᑦ ᖃᓄᑐᐃᓐᓇᖅ, ᖃᐅᔨᒋᐊᕈᓐᓇᖅᑐᑎᑦ ᐅᕗᖓ wade@qajuqturvik.ca.
ᓂᕿᓂᑦ ᑐᓂᓯᒍᒪᔪᓄᑦ ᐱᔭᐅᕙᑦᑐᑦ, ᑭᓯᐊᓂᓕ ᓯᕗᓂᖓᓐᓂ ᖃᔨᐅᓴᖅᑳᕆᐊᖃᒻᒥᔭᕗᑦ ᐃᓚᖏᑦ ᐊᑑᑎᖃᓪᓗᐊᖏᒻᒪᑕ ᐊᓯᖏᓐᓄᑦ. ᐃᖅᑲᐅᒪᖃᑦᑕᕐᓂᐊᖅᑯᓯ ᐱᐅᓂᖅᓴᓲᖑᒻᒥᒻᒪᑦ ᑮᓇᐅᔭᓂᑦ ᑐᓂᓯᔭᐅᖔᖅᑐᓂ ᓂᕿᑖᕈᑎᔅᓴᓂᑦ, ᑕᐃᒫᓪᓗ ᓂᕿᑖᕈᓐᓇᓂᖅᓴᐅᒍᓐᓇᕋᑦᑕ ᐊᖏᓂᖅᓴᓂ ᐊᑐᑦᑎᐊᓂᖅᓴᐅᓗᑎᓪᓗ ᑮᓇᐅᔭᐃᑦ.
